झापा / बैतडीमा भीरबाट लडेर २ जनाको मृत्यु भएको छ । छुट्टाछुट्टै स्थानमा भएको घटनामा दुई जनाको मृत्यु भएको हो । मृत्यु हुनेहरुमा पाटन नगरपालिका- ६ खिपालीका ४१ वर्षीय भानदेव अवस्थी र सिगास- १ किनाराधुराका ५२ वर्षीय गगनसिंह धामी रहेका छन् ।
बिहीबार साँझ खिपाली नजिकैको बान्नरो भीरबाट लडेका अवस्थीको घटनास्थलमै मृत्यु भएको पाटन नगरपालिका- ६ का वडाध्यक्ष राजेन्द्रसिंह विष्टले बताए ।यस्तै धामी भने स्थानीय गाजरी बजार नजिकै मृत फेला परेका इलाका प्रहरी कार्यालय पाटनका प्रमुख प्रहरी निरीक्षक कमल चौधरीले जानकारी दिएका छन् ।
