झापा / गोरखाको पालुङटारमा चितुवाको आक्रमणबाट प्रहरीसहित तीन जना घाइते भएका छन् । प्रहरी सहायक हवल्दार सुनिल रायमाझी, पालुङटार ४ का ४४ वर्षीय केशरबहादुर नेपाली र १६ वर्षका अभिषेक भण्डारीलाई चितुवाले आक्रमण गरेको प्रहरीले जनाएको छ ।
मंगलबार साँझ ७ बजे पालुङटार नगरपालिका वडा नम्बर ४ रानीटारमा स्थानीय दुई जनालाई चितुवाले आक्रमण गरेको थियो ।चितुवाको आक्रमणबाट स्थानीय बासिन्दा घाइते भएको खबर पाएपछि पुगेका प्रहरीलाई पनि आक्रमण गरी घाइते बनाएको छ ।जिल्ला वन कार्यालय र प्रहरी टोलीले आक्रमण गर्ने चितुवाको खोजी सुरु गरेका छन् । यसैबीच इलाका प्रहरी कार्यालय पालुङटारले यस आसपासका क्षेत्रमा बसोबास गर्ने मानिसहरूलाई साँझपख र रातका बेला सुरक्षित रूपमा बस्न आग्रह गरेको छ।चितुवा देखेमा प्रहरीलाई खबर गर्नसमेत इप्रकाले आग्रह गरेको छ ।
