बिर्तामोड / उर्लाबारी नगरपालिका- ४ की ३५ वर्षीया कुमारी महरालाई छुरा प्रहार गरी घाइते बनाएको आरोपमा प्रहरीले ४० वर्षीय श्रीमान सुमन महरालाई पक्राउ गरेको छ । घरायसी विवादका क्रममा मादक पदार्थ सेवन गरेका आरोपितले छुरा प्रहार गरी गम्भीर घाइते बनाएको इलाका प्रहरी कार्यालयले जानकारी दिएको छ ।
पेटमा छुरा प्रहार गरिएको र चोट गहिरो रूपमा लागेकाले पीडितको उपचार विराटनगर महानगरपालिका- ३ स्थित नोवेल अस्पतालमा भइरहेको जिल्ला प्रहरी कार्यालयका डीएसपी दीपक श्रेष्ठले बताएका छन् ।महराले श्रीमतीलाई जेठ १६ गते राति छुरा प्रहार गरेको स्थानीयले प्रहरीलाई सूचना दिएपछि आरोपितलाई राति नै अनुसन्धानका लागि घरबाटै पक्राउ गरेको प्रहरीले जनाएको छ ।
