झापा / प्यूठानको ऐरावती गाउँपालिका- १ दाङवाङमा भरुवा बन्दुकको गोली लागेर एकजनाको मृत्यु भएको छ । मृत्यु हुनेमा ३४ वर्षीय द्रोणबहादुर आलेमगर रहेका छन् । प्रहरीले घटनामा संलग्न रहेको भन्दै दस जना पक्राउ गरेको छ । पक्राउ पर्नेहरुमा ओमबहादुर पुन, कृष्णबहादुर पुन मगर, भूपबहादुर पुन मगर, टिकाराम पुन, ड्यामबहादुर पुन, झविन्द्र थापा, विशाल घर्ती, झिमरुक गाउँपालिका ४ बस्ने गुञ्जबहादुर पुन रहेका प्रहरी नायब उपरीक्षक थापाले जानकारी दिए । उनका अनुसार ४ जना व्यक्ति फरार रहेको र उनीहरूको खोजी भइरहेको छ ।
दोबाटो सामुदायिक वनको डाँडाथरीमा सिकार खेल्ने क्रममा २४ वर्षीय ज्ञान बहादुर नेपालीले मृगलाई हानेको गोली आलेमगरको टाउकोमा लागेको प्रहरीले जनाएको छ ।
