लमजुङ / लमजुङको मध्यनेपालमा ट्रिपर दुर्घटना हुँदा चार जनाको घटनास्थलमै मृत्यु भएको छ ।
दुर्घटनामा परी मृत्यु हुनेमा ट्रिपरका चालक अन्दाजी २७ वर्षीय आकाश घिमिरे, ४५ वर्षीय उत्तम न्यौपाने, २८ वर्षीय पारस शाह र २५ वर्षीय रवीन्द्र सेढाईं रहेका छन् ।
मध्यपहाडी लोकमार्गअन्तर्गत भोर्लेटार सडक खण्डमा काम गर्दै आएको काष्ठमण्डप कन्स्ट्रक्सन प्रालिको बा ४ ख ७७८१ नम्बरको ट्रिपर मध्यनेपाल नगरपालिका –७ र ८ को सिमाना पर्ने कोइलेनीमा दुर्घटना भएको हो ।
सडक आयोजनाका लागि ढुंगा ढुवानी गर्नेक्रममा ट्रिपर सडकबाट करिब ३० मिटर तल खसेको हो ।
