अर्घाखाँची / अर्घाखाँचीमा चितुवाको आक्रमणबाट ७ वर्षीय बालकको मृत्यु भएको छ ।
जिल्ला प्रहरी कार्यालय अर्घाखाँचीका अनुसार गुल्मीको रेसुङ्गा घर भई अर्घाखाँचीको सन्धिखर्क –४ स्थित मामाघर बस्दै आएका सम्राट नेपालीको मृत्यु भएको हो ।
चितुवाको आक्रमणमा परेका बालक नेपालीको शव घरबाट करिब एक किमीको दूरीमा छिन्नभिन्न अवस्थामा फेला समेत परेको
जिल्ला प्रहरी कार्यालय अर्घाखाँचीका प्रहरी नायब उपरीक्षक अमरबहादुर थापाले जानकारी दिए ।
थापाका अनुसार विहीबार अपरान्ह साढे चार बजे विद्यालयबाट घर आएका बालक बारीमा रहेकी आमा भएतिर जाँदै गर्दा चितुवाले आक्रमण गरेको थियो ।
