बिर्तामोड / आमाको हत्या गरेको आरोपमा एक युवक पक्राउ परेका छन् । पक्राउ पर्नेमा धरान उपमहानगरपालिका –१४ विजयपुरका २५ वर्षीय सौगात सुवेदी रहेका छन् ।
प्रहरीका अनुसार झापाको चन्द्रगढी घर भई हाल धरानस्थित हात्तीसार कलेजको क्वार्टरमा बस्दै आएकी ४२ वर्षीय शान्ता सुवेदीलाई शनिबार दिउँसो उनकै छोरा सौगातले धारिलो हतियार प्रहार गरेका थिए ।
बाम्फोकले टाउकोमा प्रहार गर्दा गम्भीर घाइते भएकी उनको उपचारका लागि मोरङको बिराटनगरस्थित न्युरो अस्पतालमा लगिएको थियो । तर, अस्पतालले उपचार गर्न नसक्ने बताएपछि घर ल्याउँदै गर्दा उनको बाटैमा मृत्यु भएको थियो ।
शान्ताको मृत्यु भएलगतै सौगातलाई इलाका प्रहरी कार्यालय धरानबाट खटिएको प्रहरीले पक्राउ गरेको हो ।
