बिर्तामोड / झापाको शिवसताक्षी नगरपालिका- १ मा बसको ठक्करबाट एक जनाको मृत्यु भएको छ । मृत्यु हुनेमा भोजपुर षडानन्द नगरपालिका- ८ का २३ वर्षीय टिचोहाङ राई रहेको प्रहरीले जनाएको छ । बुधबार बिहान साँढे ७ बजे पूर्वबाट पश्चिमतर्फ जाँदै गरेको प्रदेश १-०२-०४० प ७१४९ नम्बरको मोटरसाइकललाई विपरित दिशाबाट आउँदै गरेको को १ ख ७१८७ नम्बरको बसले ठक्कर दिएको थियो ।
बसको ठक्करबाट मोटरसाइकलको पछाडि सवार राईको घटनास्थलमै मृत्यु भएको हो । ठक्कर दिने बस र चालक मोरङ उर्लाबारी नगरपालिका- २ का ४५ वर्षीय टेक बहादुर पुरीलाई इलाका प्रहरी कार्यालय झिलझिलेले नियन्त्रणमा लिई घटना सम्बन्धमा थप अनुसन्धान भइरहेको प्रहरीले जनाएको छ ।
