बारा / बाराको जितपुरसिमरा उपमहानगरपालिका –१६ स्थित बंगरी पुल नजिकै गुडिरहेको कारमा आगलागी भएको छ । पूर्वपश्चिम लोकमार्ग अन्तर्गत बंगरी पुल नजिकै गुडिरेको प्र२ –०२–००१ च०१६५ नम्बरको कारमा आगलागी भएको हो ।
जिल्ला ट्राफिक प्रहरी कार्यालय बाराका प्रमुख प्रहरी निरीक्षक सुदर्शन थापाका अनुसार आगलागीबाट कारमा पूर्णरूपमा क्षति पुगेको छ । कार जलेर नष्ट भए पनि मानवीय क्षति भने नभएको थापाले बताए ।
लालबन्दीबाट हेटौंडा जाँदै गरेको कारमा आज बिहान ५ः३० बजे अचानक आगलागी भएको हो । प्रहरीका अनुसार कारको वायर सर्ट भएर आगलागी भएको हो ।
