काठमाडौं / काठमाडौं महानगरपालिका-१६ मा एक पुरुषको हत्या गरी बोरामा प्याक गरेर शव विष्णुमती खोलामा फालिएको अवस्थामा भेटिएको छ । हत्यामा संलग्न भएको आरोपमा दुई जना पक्राउ परेका छन् ।
पक्राउ पर्नेहरुमा मकवानपुरको बागमती गाउँपालिका-६ फापरबारी ठूलो कायर घर भएका ४५ वर्षीय ठोकर कान्छा भनिने कान्छामान ठोकर र ललितपुरको गोदावरी नगरपालिका-६ लेले घर भएका ४० वर्षीया गायत्री नगरकोटी छन् । उनीहरूलाई जेठ ६ गते पक्राउ गरिएको अपराध अनुसन्धान कार्यालयका एसपी तथा प्रवक्ता कृष्ण कोइरालाले जानकारी दिए ।
उनीहरुले टाउकोमा हम्मरले हान्नुका साथै घाँटीमा सलले कसेर तामाङको हत्या गरेको पाइएको एसपी कोइरालाले बताए । हत्या पश्चात खुट्टा खुम्च्याएर सलले बाँधेको, शवलाई तन्ना, म्याट्रेसले बसेर प्लाष्टिकमा प्याक गरेर बोराभित्र हाली डोरीले बाँधेर विष्णुमती खोलामा उनीहरूले फालेको पाइएको प्रहरी अनुसन्धानबाट खुलेको छ ।
पक्राउ परेका दुबै जनालाई थप अनुसन्धान र कारबाहीका लागि जिल्ला प्रहरी परिसर काठमाडौं पठाइएको छ ।
