एजेन्सी / अर्जेन्टिनाका फरवार्ड एन्जेल डी मारियाले फ्रान्सेली क्लब पेरिस सेन्ट जर्मेन (पिएसजी) छोड्ने निश्चित भएको छ ।
पीएसजीले शुक्रबार डी मारियाले सिजनको अन्त्यबाट क्लब छोड्ने पुष्टि गरेको हो । डी मारियाले पिएसजी छोड्ने पक्का भएपनि नयाँ सिजनमा कुन क्लबमा देखिनेछन् भन्ने केही खुलाइएको छैन ।२०१५-१६ को सिजनमा पीएसजी प्रवेश गरेका डी मारियाले २९४ खेल खेल्दै ९१ गोल गरेका छन् । यस्तै, १११ पटक गोलका लागि असिस्ट गरेका छन् । ७ सिजनमा डी मारियाले १८ पटक उपाधि दिलाएका छन् ।
