बिर्तामोड / झापा र मोरङका दुई छुट्टाछुट्टै स्थानमा बिहीवार भएको सवारी दुर्घटनामा परी दुई जनाको मृत्यु भएको छ ।
झापाको बिर्तामोड नगरपालिका –२ रामचोकमा प्रदेश १-०१-००१ ख ३५९४ नम्बरको ट्रकले ठक्कर दिँदा पैदल यात्री बिर्तामोड –४ का ५२ वर्षीय टंक काफ्लेको मृत्यु भएको हो ।
रोकेर राखेको ट्रक सडकमा निकाल्नका लागी ब्याक गर्ने क्रममा ट्रकको पछाडिको भागले ठक्कर दिँदा घाईते भएका काफ्लेलाई उपचारको लागी बिर्तासीटी अस्पताल लगिएको थियो ।
उनको उपचारको क्रममा मृत्यु भएको इलाका प्रहरी कार्यालय अनारमनीले जनाएको छ ।
यसैगरी मोरङको सुनवर्षी नगरपालिका –६ मा ट्याक्टर दुर्घटना हुँदा १ जनाको मृत्यु भएको छ ।
बिहीवार दिउँसो अमरदहको भित्री सडक खण्डमा को २ त १४३७ नम्बरको ट्याक्टर आफै अनियन्त्रित भई सडकमा दुर्घटना हुँदा सुनवर्सी नगरपालिका –५ का ४५ वर्षीय राज कुमार सरदार घाईते भएका छन् ।
घाइते सरदारको उपचारको उपचारको क्रममा बि.पी. कोइराला स्वास्थ्य विज्ञान प्रतिष्ठान घोपामा मृत्यु भएको ईलाका प्रहरी कार्यालय रङगेलीले जनाएको छ ।
