झापा / झापाको बिर्तामोडमा ट्रकको ठक्कर एक पैदल यात्रीको मृत्यु भएको छ । बिर्तामोडको राम चोकमा भएको सो घटनामा बिर्तामोड–४ का ५२ वर्षीय टङ्क काफ्लेको मृत्यु भएको हो ।
पार्क गरेर राखेको प्रदेश–१–१०–००१ ख ३५९४ नं को ट्रक सडकमा निकाल्ने क्रममा पैदल यात्री काफ्लेलाई ठक्कर दिएको प्रहरी कार्यालय झापाका डीएसपी वसन्त पाठकले जानकारी दिएका छन् ।
ट्रकको ठक्करबाट गम्भीर घाइते भएका उनको बिर्ता सिटी अस्पताल पुर्याउन साथ मृत्यु भएको प्रहरीले जनाएको छ । ट्रक र चालकलाई भने इलाका प्रहरी कार्यालय बिर्तामोडले नियन्त्रणमा लिएको छ ।
