रुपन्देही / रूपन्देहीको सिद्धार्थनगरमा वडाध्यक्षको विजय जुलुसमा सहभागी चढेको गाडी दुर्घटना हुँदा २४ जना घाइते भएका छन् ।
बुधबार दिउँसो सिद्धार्थनगर नगरपालिका –१० शङ्करापुरमा एमालेबाट वडा अध्यक्ष निर्वाचित सूर्जमान यादवको विजय जुलुसमा सहभागी भएका व्यक्ति चढेको लु १ ख ८०७८ नम्बरको बस पल्टिँदा दुर्घटना भएको हो ।
२५ जना मानिस चढेको उक्त गाडी अनियन्त्रित भई पल्टिँदा २४ जना घाइते भएका छन् भने वडा अध्यक्ष यादवलाई भने केही नभएको जिल्ला ट्राफिक प्रहरी कार्यालय रपन्देहीका प्रमुख प्रहरी निरीक्षक मनोज केसीले जानकारी दिए ।
केसीका अनुसार घाइतेमध्ये ६ जनाको अवस्था गम्भीर रहेको छ । उनीहरुको भैरहवास्थित युनिभर्सल मेडिकल कलेजमा उपचार भइरहेको छ ।
