बिर्तामोड / झापाको बाह्रदशी गाउँपालिका –४ मा स्वतन्त्र उम्मेदवारको प्यानल नै विजयी भएको छ । वडा अध्यक्षमा गुलाफ फूल चुनाव चिन्ह पाएका स्वतन्त्र उम्मेदवार महताव आलमसहितको प्यानल विजयी भएको हो ।
आलमले ७५२ मत ल्याएका छन् भने उनका निकटतम प्रतिस्पर्धी माओवादी केन्द्रका समिम मियाले ५९१ मत ल्याएका छन् ।
त्यस्तै खुल्ला सदस्यमा स्वतन्त्र उम्मेदवार विवेककुमार गणेश ७२०, स्वतन्त्र उम्मेदवार बलबहादुर बानियाँ ६८५ , महिला सदस्यमा स्वतन्त्र उम्मेदवार कल्पना श्रेष्ठ ७५२ र दलित महिला सदस्यमा स्वतन्त्र उम्मेदवार सुमित्रादेवी मोचीले ७३५ मत ल्याएर विजयी भएका छन् ।
कांग्रेसले गठबन्धन गरी माओवादीलाई सो वडा दिएपछि कांग्रेसकै आकाङ्क्षीहरू स्वतन्त्र प्यानल बनाएर चुनावी मैदानमा उत्रिएर जित हासिल गरेका हुन् ।
