बिर्तामोड / झापाको कचनकवल गाउँपालिका –४ मा कांग्रेसको प्यानल नै विजयी भएको छ ।
कांग्रेसका वडा अध्यक्ष पदका उम्मेद्वार नारुजजमा मियाले राप्रपाका उम्मेद्वार मोहन चन्द्र गणेशलाई ३०१ मतान्तरले पराजित गर्दै कचनकवल –४ को वडा अध्यक्षमा निर्वाचित भएका हुन् ।
मियाले एक हजार २३६ मत प्राप्त गरेका छन् भने गणेशले ९३५ मत पाएका छन् । माओवादी केन्द्रका उम्मेद्वार पूर्ण बहादुर भण्डारीले भने २५३ मत पाएका छन् ।
त्यस्तै वडा सदस्यमा कांग्रेसका पहरसिंह गणेश, सन्तोष कुमार गणेश र मुस्ताकोमा मिया निर्वाचित भएका छन् ।
गठबन्धनबाट अध्यक्ष पदमा उम्मेद्वारी दिएका कांग्रेसका कालेन्द्र प्रसाद सिंह राजवंशीले एक हजार १५२ मत प्राप्त गरेका छन् भने एमालेका उपाध्यक्ष पदका उम्मेदवार नवराज भट्टराईले ८६३ मत प्राप्त गरेका छन् ।
त्यस्तै , एमालेका राजवंशीलाई पछ्याउँदै राप्रपाका अन्जरा आलमले ८६६ मत प्राप्त गरेका छन् भने कांग्रेसका भट्टराईलाई पछ्याउँदै राप्रपाका उपाध्यक्ष निम्सरी राजवंशीले ७८४ मत प्राप्त गरेकी छन् ।
माओवादी केन्द्रका अध्यक्ष पदका उम्मेद्वार बुद्धि प्रसाद नेपालले ८८ र उपाध्यक्ष भागीरथी अधिकारीले १४२ मत प्राप्त गरेकी छिन् ।
