खोटाङ / खोटाङको बराहपोखरी गाउँपालिकाको अध्यक्षमा नेपाली कांग्रेसका शालिकराम बन्जारा निर्वाचित भएका छन् ।
बन्जाराले एमालेका उम्मेद्वार गोमा मगरलाई ८५१ मतान्तरले पराजित गर्दै गाउँपालिका अध्यक्षमा निर्वाचित भएका हुन् ।
बन्जाराले ३ हजार १८१ मत ल्याएका छन् भने मगरले २ हजार ३३० मत ल्याएकी छिन् ।
उपाध्यक्षमा एकीकृत समाजवादीले जितेको छ । समाजवादीका भुवलराज राईले एमालेका उम्मेदवार जीवनकुमार राईलाई पराजित गरेका हुन् ।
बराहपोखरी गाउँपालिकामा कांग्रेस, एकीकृत समाजवादी र माओवादी केन्द्रबीच तालमेल भएको थियो । तालमेलमा कांग्रेसले अध्यक्ष र एकीकृत समाजवादीले उपाध्यक्ष जितेको हो ।
