बिर्तामोड / झापाको बिर्तामोड नगरपालिका –१ मा नेकपा एमालेको प्यानल निर्वाचित भएको छ ।
एमालेबाट वडा अध्यक्षका उम्मेदवार बनेका अग्निप्रसाद पाण्डेले (काँग्रेस माओवादी) गठबन्धनबाट उम्मेदवार बनेका कांग्रेसका बलराम कार्कीलाई २४६ मतान्तरले पराजित गरेका हुन् ।
पाण्डेले एक हजार ४६९ मतसहित निर्वाचित भएका छन् भने उनका प्रतिद्वन्दी कार्कीले १२२३ मत ल्याएका छन् । कार्की बिर्तामोड उद्योग वाणिज्य संघका पूर्व अध्यक्ष हुन् ।
त्यस्तै वडा सदस्यहरूमा एमालेका योगचन्द्र आङवुहाङ्ग, टेक बहादुर अधिकारी, यमुना देवी आचार्य र कमला महरा दर्जी निर्वाचित भएका छन् ।
