तेह्रथुम / तेह्रथुमको मेन्छ्यायेम गाउँपालिकाको अध्यक्षमा यादवबहादुर खापुङ र उपाध्यक्षमा गीतादेवी तिम्सिना पुनः दोहोरिएका छन् ।
०७४ को निर्वाचनमा पनि फरक–फरक दलबाट अध्यक्ष र उपाध्यक्ष जितेका खापुङ र तिम्सिनाले यसपटक पनि रोचक प्रतिस्पर्धाका बीच विजयी भएका हुन् ।
अध्यक्ष उम्मेदवार खापुङ नेकपा एमालेका उम्मेदवार हुन् भने उपाध्यक्ष तिम्सिना नेपाली काङ्ग्रेसकी उम्मेदवार हुन् । यहाँ एमालेको उपाध्यक्ष उम्मेदवार र कांग्रेसका अध्यक्ष उम्मेदवार यसपटक पनि पराजित भएका छन् ।
अध्यक्षमा निर्वाचित खापुङले २ हजार ५५ मत ल्याएका छन् भने उनका उनका प्रतिद्वन्दी नेपाली कांग्रेसका धनकुमार लिम्बुले २ हजार २१ मत प्राप्त गरेका छन् ।
त्यस्तै उपाध्यक्षमा तिम्सिनाले १ हजार ९ सय ८६ मत प्राप्त गरिन् भने एमालेकी प्रेमलता घिमिरेले १ हजार ९ सय ७४ मत प्राप्त गरेकी छिन् ।
मेन्छ्यायेममा १, ४, ५, र ६ नम्बर वडामा एमाले विजयी भएको भने २ र ३ नम्बर वडामा नेपाली कांग्रेसका उम्मेदवार विजयी भएका छन् ।
