इलाम / इलामको इलाम नगरपालिका –१२ र फाकफोकथुम –१ मा नेपाली कांग्रेसको प्यानल नै विजयी भएको छ । इलाम –१२ मा नेपाली कांग्रेसका वडाध्यक्ष लाखमान लिम्बूको प्यानलै विजयी भएको हो ।
लिम्बूले एक हजार दुई मत प्राप्त गरेका छन् भने उनका निकटतम प्रतिद्वन्दीले ९२० मत प्राप्त गरेका छन् ।
त्यसै गरि महिला सदस्यमा विविमाया लिम्बू, दलित महिला सदस्यमा कुमारी ल्वागुन, वडा सदस्यहरु टिका बहादुर एक्तेन र नेत्रप्रसाद घिमिरे विजयी भएका हुन ।
यस अघि नै वडा नम्बर १ मा पनि एक जना १ जना वडा सदस्य बाहेक वडाध्यक्ष गायत्री राम बस्नेतको टिम विजयी भइसकेको छ ।
त्यस्तै फाकफोकथुम –१ मा वडाध्यक्षमा कांग्रेसका कर्ण लिम्बुको प्यानल विजयी भएको छ । लिम्बुले ८०४ र उनका निकटतम प्रतिद्वन्दी एमालेका बेगबहादुर निरौलाले ४७७ मत प्राप्त गरेका छन् ।
महिला सदस्यमा गोमादेवी भट्टराई, दलित महिला सदस्यमा सीतादेवी बराइली, खुल्ला सदस्यमा कमानसिंह लिम्बु र रामबहादुर पौडेल विजयी भएको जनाइएको छ ।
