बिर्तामोड / झापाको हल्दीबारी गाउँपालिकामा राप्रपाका अध्यक्ष पदका उम्मेद्वार रविन्द्र लिङ्देन को अग्रता कायमै रहेको छ ।
दुई हजार ७५७ मत गणना गर्दा लिङ्देनले एक हजार ३७२ मत प्राप्त गरेका छन् भने उनका प्रत्यासी एमालेका डम्बरबहादुर गिरिले ८५५ मत प्राप्त गरेका छन् ।
त्यस्तै कांग्रेसका तुलसी प्रसाद ओलीले २३० मत र माओवादी केन्द्रका भवानी प्रसाद दंगालले ८८ मत प्राप्त गरेका छन् ।
उपाध्यक्षमा राप्रपाकी लक्ष्मी मैनालीले एक हजार ९६ मत र एमालेकी शान्ता देवी गौतमले ८३५ मत प्राप्त गरेकी छिन् ।
त्यस्तै वडा नम्बर १ को वडा अध्यक्षमा राप्रपाका देवी बहादुर थापाले एक हजार ९५, एमालेका त्रिलोचन सापकोटाले ९७४, कांग्रेसका रत्न बहादुर अधिकारीले ५७१ र माओवादी केन्द्रका भक्त बहादुर नेम्वाङ्ग लिम्बूले १४० मत प्राप्त गरेका छन् ।
