इलाम / इलामको माई नगरपालिकाको प्रमुख पदमा नेकपा एमालेले अग्रता बनाएको छ । वडा नम्वर- १० बाट भएको गणनामा ५०० मत गन्दा मेयरतर्फ नेकपा एमालेका खम्वसिंह लिम्बूले २६७ मत ल्याउँदा गठबन्धनबाट नेकपा माओवादी केन्द्रका लालबहादुर थापाले १४७ मत ल्याएका छन् ।
उपमेयर तर्फ नेकपा एमालेकी हिमा भण्डारीले २६१ मत ल्याउँदा नेपाली काँग्रेसका हेमबहादुर लिम्वुले १६४ मत प्राप्त गरेका छन् ।
यस्तै इलामको सूर्योदय नगरपालिकामा नेकपा एकीकृत समाजवादीले सुरुआती अग्रता लिएको छ ।
सुरुआती ४०० मत गन्दा सुर्योदय नगरपालिका इलामको प्रमुख पदमा एकीकृत समाजवादीका रणबहादुर राईले १५८ मत पाएका छन् । भने एमालेका काजीमान कागतेले १५२ मत पाएका छन् ।
उपप्रमुखमा एमालेकी दुर्गादेवी भट्टराईले अग्रता लिएकी छन् । उनले १५३ मत पाउँदा कांग्रेसका दुर्गा बरालले १४२ मत पाएका छन् ।
