भद्रपुर / बैशाख ३० गते शुक्रबार सम्पन्न स्थानीय तह निर्वाचनमा झापाको भद्रपुर नगरपालिकामा ३४ हजार २८ मत खसेको छ ।
५१ हजार दुई सय ८७ मतदाता संख्या रहेको भद्रपुरमा ३४ हजार २८ मत खसेको हो ।
भद्रपुरको वडा नं. १ मा दुई हजार आठ सय ९३ मत खसेको छ भने वडा नं. २ मा तीन हजार आठ सय ७६ मत खसेको छ ।
यस्तै वडा नं. ३ मा तीन हजार एक सय ६७, वडा नं. ४ मा तीन हजार चार सय ४४, वडा नं. ५ मा तीन हजार एक सय ४१ र वडा नं. ६ मा तीन हजार चार सय ना मत खसेको छ ।
त्यस्तै वडा नं. ७ मा चार हजार ५३, वडा नं. ८ मा दुई हजार चार सय ३८, वडा नं. ९ मा तीन हजार सात सय ६० र वडा नं. १० मा तीन हजार आठ सय ३७ मत खसेको छ ।
नगरका २४ वटा मतदान स्थलबाट मतपेटिकाहरु भद्रपुर नगरपालिकामा आइसकेको र अव केहीवेरमा सर्वदलिया बैठक बसेर आज राती १२ बजेबाट मत गणना हुने निर्वाचन कार्यालयले जनाएको छ ।
