रौतहट / रौतहटको एक मतदान केन्द्रबाट मतपेटिका लुटिएको छ । यमुनामाई गाउँपालिका –२ स्थित मतदान केन्द्रबाट मतपेटिका लुटिएको हो ।
गाउँपालिकाका अध्यक्ष प्रसाद मुखियाका अनुसार मतदान सकिएपछि सिलबन्दी गर्ने क्रममा स्थानीयले मतपेटिका लिएर भागेका हुन् । मतपेटिका बोकेर स्थानीय खेतैखेत भागेका थिए ।
त्यस्तै रौतहटको बौधीमाईमा मतपेटिकामा आगजनी भएको छ । बौधीमाई नगरपालिका वडा नम्बर २ को इनरवा टोलमा जनता समाजवादी पार्टी र एमालेबीच झडप हुँदा ३ वटा मतपेटिका आगजनी भएको हो ।
झडप र आगजनीपछि इनरवा टोल अहिले तनावग्रस्त भएको छ । त्यस्तै वडा नम्बर ९ मा समेत विवाद भई मतदान स्थगित भएको प्रमुख जिल्ला अधिकारी कृष्णबहादुर शाहीले बताए ।
