रामेछाप / रामेछापमा नेपाली कांग्रेसको तर्फबाट वडाध्यक्षका उम्मेदवारमाथि खुकुरी प्रहार भएको छ । रामेछापको उमाकुण्ड गाउँपालिका वडा नं -३ का वडाध्यक्षका उम्मेदवार रमेश सुनुवारमाथि बुधबार खुकुरी प्रहार भएको हो । सुनुवारलाई कुँबुकास्थलीमा नेकपा एमाले र राप्रपाका कार्यकर्ताहरूले सुनुवारलाई खुकुरी प्रहार गरेका हुन् । खुकुरी प्रहारबाट सुनुवार गम्भीर घाइते भएका नेपाली कांग्रेसको तर्फबाट उमाकुण्ड गाउँपालिका अध्यक्षका उम्मेदवार जितबहादुर कटुवालले जानकारी दिए ।
मौन अवधिमा सुनुवार बसिरहेको ठाउँ पछाडिबाट आएर झुक्याएर खुकुरी प्रहार गरेको पनि कटुवालले जानकारी दिए । गम्भीर घाइते सुनुवारलाई उपचारका लागि वडा नं २ बाम्तीको बाम्ति अस्पतालमा लगिएको छ । पवित्र सुनुवारको नेतृत्वमा आएका केही अराजक समूहले सुनुवारमाथि खुकुरी प्रहार गरेको प्रहरीले जनाएको छ । आक्रमणकारीको नेतृत्व गर्ने सुनुवारसहित केही कार्यकर्ता प्रहरीले नियन्त्रणमा लिएको छ। घटनाबारे अनुसन्धान गर्न प्रहरी टोली घटनास्थल पठाइसकेको प्रहरीले जनाएको छ ।
