बिर्तामोड / इलाममा ट्रकको ठक्करबाट मोटरसाइकल चालकको घटनास्थलमै मृत्यु भएको छ । मृत्यु हुनेमा पाँचथर याङरुप गाउँपालिका -४ घर भई इलाम नगरपालिका -९ शेरामा डेरा गरी बस्ने ३५ वर्षीय धनबहादुर राई रहेको जिल्ला प्रहरी कार्यालय इलामका सूचना अधिकारी गंगाबहादुर थापाले जानकारी दिए ।
मे १ प ६५४४ नम्बरको मोटर साइकलले ना ४ ख ५६६९ नम्बरको ट्रकलाई ओभरटेक गर्दा ट्रकको पछाडिको भागले मोटरसाइकललाई ठक्कर दिएको प्रहरीलले जनाएको छ ।
मेची राजमार्गअन्तर्गत इलाम नगरपालिका -९ गोलाखर्कमा झापाबाट इलामका लागि छुटेको ट्रकले माईखोलाबाट इलामतर्फ आउँदै गरेको मोटर साइकललाई ठक्कर दिएको थियो ।
घटनापछि ट्रक चालक फरार रहेको र खोजी भइरहेको प्रहरीले जनाएको छ ।
