बिर्तामोड / सिन्धुलीको कमलामाई नगरपालिका- ९ भिमानस्थित सार्वजनिक शौचालय नजिकबाट करिब ३ ग्राम २३ मिलिग्राम अवैध लागूऔषध ब्राउनसुगर नगद २० हजार रुपैयाँ सहित एकजनालाई प्रहरीले पक्राउ गरेको छ । पक्राउ पर्नेमा सोही ठाउँ बस्ने २९ वर्षीय प्रदिप माझी रहेका छन् । विशेष सूचनाको आधारमा इलाका प्रहरी कार्यालय भिमानबाट खटिएको प्रहरीले उनलाई शनिबार पक्राउ गरेको हो ।
यता बाँके, कोहलपुर नगरपालिका- ११ बसपार्कबाट करिब ४ सय ४० मिलिग्राम अवैध लागूऔषध ब्राउनसुगर अर्का एक युवकलाई पनि प्रहरीले पक्राउ गरेको छ । पक्राउ पर्नेमा सोही नगरपालिका- २ मनकामना चोक बस्ने १८ वर्षीय किशोर रहेका छन् । इलाका प्रहरी कार्यालय कोहलपुरबाट खटिएको प्रहरीले उनलाई शनिबार साँझ पक्राउ गरेको हो ।
यस्तै कञ्चनपुरको बेलौरी नगरपालिका- ८ कलकत्ता बजारबाट करिब ३६ ग्राम ५० मिलिग्राम अवैध लागूऔषध ब्राउनसुगर सहित २ जनालाई शनिबार साँझ प्रहरीले पक्राउ गरेको छ । पक्राउ पर्नेहरूमा सोही नगरपालिका- ९ कुण्डा बस्ने ४१ वर्षीय अजय बिष्ट र सोही नगरपालिका- ८ कानपुर बस्ने १८ वर्षीय किशोर रहेका छन् । उक्त स्थानमा युपि २६ एसि ५०६० नम्बरको मोटरसाइकल रोकी बसिरहेको अवस्थामा उनीहरूलाई इलाका प्रहरी कार्यालय बेलौरीबाट खटिएको प्रहरीले जाँच गर्ने क्रममा उनीहरूको साथबाट उक्त परिमाणको पदार्थ फेला पारेको हो ।
