बारा / प्रहरीले पेस्तोल र गोलीसहित दुई जना भारतीय नागरिकलाई पक्राउ गरेको छ । पक्राउ पर्नेमा भारतको बिहारस्थित मोतीहारीका २३ वर्षीय पप्पुकुमार यादव र बिहारकै भेलावाका २२ वर्षीय अकलेशकुमार सिंह रहेका छन् । उनीहरूलाई बाराको सिम्रौनगढबाट सशस्त्र प्रहरीले सिम्रौनगढ नगरपालिका- ९ मा शनिबार अटोमेटिक चाइनिज पेस्तोल, म्यागजिन र गोलीसहित दुई भारतीय युवकलाई पक्राउ गरेको हो ।
सीमावर्ती भारतीय गाँउबाट मोटरसाइकलमा सवार भएर नेपाल प्रवेश गरेका दुबै जनालाई सशस्त्र प्रहरीले रोकेर चेकजाँच गर्दा चाइनिज पेस्तोल १ थान, त्यसमा लाग्ने २ राउन्ड गोली, १ थान म्यागजिन २ थान, कटुवा पेस्तोल १ थान र त्यसको दुई राउन्ड गोली बरामद भएको जनाइएको छ ।
पेस्तोल र गोली सहित पक्राउ परेका दुवैलाई आवश्यक कारवाहीका लागि इलाका प्रहरी कार्यालय सिम्रौनगढमा बुझाइएको सशस्त्र प्रहरीले जनाएको छ ।
