इलाम / इलामको करफोक माध्यमिक विद्यालयको निर्माणाधीन भवनबाट लडी १ जनाको मृत्यु भएको छ ।
सूर्योदय नगरपालिका-१२ मा विहीवार बेलुका ५ बजे जितपुर नगरपालिका-५ गकुलियाका २५ वर्षीय पुकार चौधरी निर्माणाधीन भवनबाट झरेर मृत्यु भएको हो ।
विद्यालयको को माथि टिन लगाउने क्रममा उनी भवनबाट झरेका हुन् । उपचारको लागि झापा बुधबारे स्थित सिटी हस्पिटल लगिएको चौधरीको उपचारको क्रममा मृत्यु भएको हो ।
घटना सम्बन्धमा थप अनुसन्धान भइरहेको इलाका प्रहरी कार्यालय पशुपतिनगरले जनाएको छ ।
