धनकुटा / धनकुटाको साँघुरीगढी गाउँपालिका- ३ स्थित सडक खण्डमा मोटरसाइकल अनियन्त्रित भई दुर्घटना हुँदा मोटरसाइकल चालकको मृत्यु भएको छ । मृत्यु हुनेमा स्थानीय ३८ वर्षीय इन्द्र बहादुर याखा रहेको प्रहरीले जनाएको छ ।
बिहीवार राती पौने १२ बजे साँघुरीगढी- ३ कुशेटारबाट घर फर्कदै गरेका याखाले चलाएको को २८ प ७४७१ नम्बरको मोटरसाइकल अनियन्त्रित भई सडकबाट ५०० मिटर तल झरी दुर्घटना हुँदा दुर्घटना भएको थियो । याखाको घटना स्थलमा नै मृत्यु भएको र इलाका प्रहरी कार्यालय राजारानीबाट थप अनुसन्धान भइरहेको प्रहरीले जनाएको छ ।
