सङ्खुवासभा / सङ्खुवासभामा माछा पोखरीमा डुबेर एक बालकको मृत्यु भएको छ । मृत्यु हुनेमा मादी मूलखर्क नगरपालिका-३ का टिकाराम विश्वकर्माको ६ वर्षीय छोरा प्रबिन विश्वकर्मा रहेका प्रहरीले जनाएको छ ।
मंगलबार अपरान्ह ४ बजेको समयमा घर नजिकै रहेको छिमेकीको माछा पोखरीमा डुबिरहेको अवस्थामा बालकलाई फेला पारि तत्काल उद्धार गरी मादी क्लिनिकमा लगिएकोमा उपचारको क्रममा मृत्यु भएको हो । इलाका प्रहरी कार्यालय चैनपुरबाट खटिएको प्रहरी टोलीले घटना सम्बन्धमा अनुसन्धान गरि रहेको प्रहरीले जनाएको छ ।
