काठमाडौँ / त्रिभुवन अन्तर्राष्ट्रिय विमानस्थल परिसरमा बम राखिएको भन्दै एक अपरिचित नम्बरबाट फोन आएपछि अहिले उडानहरू प्रभावित भएका छन् ।
बम राखिएको हल्लापछि त्रिभुवन विमानस्थल खाली गराइएको छ। विमानस्थलको आन्तरिकतर्फ प्रवेश गरेका सबै यात्रुलाई बाहिर निकालिएको छ ।
यस्तै विमानमा चढिसकेकालाई समेत बाहिर निकालिएको छ। अहिले नेपाली सेना, सशस्त्र र नेपाल प्रहरीसहितको टोलीले सर्च अपरेसन जारी राखेको छ ।
बम राखिएको फोन कसले गरेको हो भन्ने खुलेको छैन । बम राखिएको फोन आएपछि त्यहाँ कुकुरसहित सेनाको बम डिस्पोजल टोली खटाएको बताइएको छ ।
