महेन्द्रनगर / कञ्चनपुरको महेन्द्रनगरस्थित नाइन इलेभन होटलमा एक युवक मृत भेटिएका छन् ।
जिल्ला प्रहरी कार्यालय कञ्चनपुरका डीएसपी चक्रबहादुर शाहका अनुसार भीमदत्त नगरपालिका –१५ निम्बुखेडाका २१ वर्षीय मुकुल पाण्डेय होटलको कोठामा मृत भेटिएका हुन् ।
घटनास्थलमा अहिले प्रहरी परिचालन गरेको शाहले बताए । उनले भने, – ‘अहिले होटललाई सिल गरिएको छ, अनुसन्धान भइरहेको छ,’ उनले भने, ‘मृत्युको कारण खुल्न सकेको छैन ।’
घटनाको जानकारी पाएपछि आक्रोशित मृतकका आफन्तहरूले होटलमा ढुंगामुढा गरेका छन् ।
