काठमाडौं / काठमाडौंको बबरमहलमा स्कुटर अनियन्त्रित भई दुर्घटना हुँदा एक जनाको मृत्यु भएको छ । मृत्यु हुनेमा डडेल्धुरा अमरगढी नगरपालिका- ५ घर भई हाल काठमाडौंको कोटेश्वर बस्ने करिब २६ वर्षीय केबिन श्रेष्ठ रहेका छन् ।
आइतबार राति बानेश्वरबाट बबरमहल तर्फ आउँदै गरेको बा ६१ प ८९८८ नम्बरको स्कुटर सडकको नालीमा पल्टिएको थियो । स्कुटर नालीमा पल्टिएसँगै गम्भीर घाइते भएका श्रेष्ठको उपचारको क्रममा वीर अस्पतालमा आइतबार राति २ बजे मृत्यु भएको प्रहरीले जनाएको छ ।
