प्यूठान / प्युठानबाट प्रहरीले बुबाको हत्या गरेको आरोपमा छोरालाई पक्राउ गरेको छ ।
नौबहिनी गाउँपालिका-४ को खबाङ खप्रेटाका ८३ वर्षीय जंगबहादुर सुनारको हत्या गरेको आरोपमा प्रहरीले उनका छोरा तुले सुनारलाई पक्राउ गरेको हो ।
मादक पदार्थ सेवन गरेका ३० वर्षीय तुलेले सामान्य झगडामा बुबालाई ढुंगा प्रहार गरी हत्या गरेको स्थानीयले बताएका छन् । छोराको ढुंगा प्रहारबाट जङ्गबहादुरको घटनास्थलमै मृत्यु भएको जिल्ला प्रहरी कार्यालय प्युठानले जनाएको छ ।
