भैरहवा / रूपन्देहीको भैरहवास्थित गौतमबुद्ध विमानस्थलमा बुद्ध एयरको जहाजको टायर पड्किएको छ । भैरहवाबाट काठमाडौं आउँदै गरेको जहाज धावन मार्गमा गुड्ने क्रममा टायर पड्किएको हो ।
जहाजको टायर पड्किँदा विमानस्थलको उडान र अवतरण अवरुद्ध भएको छ । उक्त जहाजमा दुई बालबालिकासहित ७० जना यात्रुहरू सवार रहेको बताइएको छ ।
अहिले टायर पड्किएको जहाज धावनमार्गमा नै रहेका कारण भैरहवा विमानस्थलमा अवतरण हुने जहाजलाई अरु नै विमानस्थल तर्फ डाइभर्ट गरिएको स्रोतको भनाइ छ ।
विमानमा सवार यात्रुलाई अर्को विमानबाट काठमाडौं ल्याउन लागिएको र धावनमार्गमा रोकिएको जहाजलाई टेक्निकल टिमले चेकजाँच गरिरहेको पनि बुद्ध एयरले बताएको छ ।
