बिर्तामोड / मोरङ र सुनसरीको दुई छुट्टा छुट्टै स्थानबाट प्रहरीले निषेधित लागूऔषध सहित ३ जनालाई पक्राउ गरेको छ । पक्राउ पर्नेमा मोरङ बेलबारी नगरपालिका-३ का ३८ वर्षीय सतिश कुमार सुवेदी , भारत बिहारका ४० वर्षीय जमिर मन्सुरी र देवानगंज-४ सुनसरीका ४० वर्षीय भुवनेश्वर महतो रहेका छन् ।
बिहीबार दिउँसो बिराटनगर-१५ स्थितमा चेक जाँचको क्रममा लागूऔषध नियन्त्रण ब्युरो विराटनगरबाट खटिएको प्रहरी टोलीले भारत जोगवनीबाट नेपाल आउदै गरेका सुवेदीको साथबाट लुपिजेसिक-७ एम्पुल, एभिल ७ एम्पुल, डाईजेल्याब ७ एम्पुल र फेनरगन ७ एम्पुल बरामद गरेको हो, ।
यसै गरी सुनसरीको बराहक्षेत्र-४ स्थितमा अस्थायी प्रहरी चौकी नडाहाबाट खटिएको प्रहरी टोलीले चेक जाँचको क्रममा को ३६ प ७६०३ नम्बरको मोटरसाइकलमा सवार रहेका जमिर मन्सुरी र मेहताको साथबाट लुपिजेसिक ४० एम्पुल, डाइजेपाम ४० एम्पुल, फेनारगन ४० एम्पुल, एभिल ४० एम्पुल, ट्रामाडोल ११०० क्यापसुल बरामद गरेको हो । निषेधित लागूऔषध सहित पक्राउ परेका तीनै जनाको थप अनुसन्धान भइरहेको प्रहरीले जनाएको छ ।
