बेलबारी / मोरङको सुन्दरहरैचा नगरपालिका –७ बाट गाँजा सहित प्रहरीले एक जनालाई पक्राउ गरेको छ ।
पक्राउ पर्नेमा धनकुटा शहिद भूमि गाउँपालिका –५ घर भई हाल सुन्दरहरैचा नगरपालिका –५ मा डेरा गरेर बस्ने २४ वर्षीय ईमान राई रहेका छन् ।
आज (सोमबार) दिउँसो साढे ३ बजे इलाका प्रहरी कार्यालय बेलबारीबाट खटिएको प्रहरी टोलीले दक्षिण तर्फ जाँदै गरेको को १ ह ७९८५ नम्बरको सिटी सफारी चेकजाँच गर्ने क्रममा गाँजा फेला परेको हो ।
प्रहरीले राईको साथबाट ७ केजी ९८४ ग्राम गाजा बरामद गरिएको छ ।
