समाचार

ट्याक्टर दुर्घटना सह चालकको मृत्यु

झापा /  भोजपुरको रामप्रसाद राई गाउँपालिका ५ हिमाङमा मंगलबार बेलुका भएको ट्याक्टर दुर्घटनामामा परी सोही ट्याक्टरका सह चालकको मृत्यु भएको छ । भोजपुरबाट घोडेटार जाँदै गरेको प्रदेश १-०२ -००३ त ९४० नम्बरको ट्याक्टर आफै अनियन्त्रित भई पल्टिंदा ट्याक्टरका सह- चालक हतुवागढी गाउँपालिका १ का रञ्जित सार्कीको घटनास्थलमा नै मृत्यु भएको जिल्ला प्रहरी कार्यालय भोजपुरले जनाएको छ । घटना सम्बन्धमा प्रहरीले थप अनुसन्धान गरिरहेको छ ।

माछा पोखरीमा डुबेर एकको मृत्यु

ब्राउनसुगर सहित २ जना पक्राउ

झापा / झापाको कचनकवल गाउँपालिका ५ बाट नियन्त्रित लागूऔषध ब्राउनसुगर सहित २ जना पक्राउ परेका छन् । उक्त गाउँपालिकाको फुटागंज क्षेत्रबाट लागूऔषध ब्राउनसुगर ओसार पसार भइरहेको भन्ने विशेष सूचनाका आधारमा प्रहरी चौकी पाठामारीबाट खटिएको प्रहरी टोलीले कचनकवल गाउँपालिका ७ का २४ वर्षीय बिनोद बस्नेत र १८ वर्षीय निखिल रेग्मीलाई ५ ग्राम ६० मिलिग्राम लागूऔषध ब्राउनसुगर सहित मंगलबार बेलुका ५ बजे  पक्राउ गरेको हो । लागूऔषध सहित पक्राउ परेका दुबै जनाको सम्बन्धमा प्रहरीले थप अनुसन्धान गरिरहेको छ ।

महिलालाई बेहोस बनाएर भारतमा बिक्री गर्ने पक्राउ

 झापा / नेपाल प्रहरीको मानव बेचबिखन अनुसन्धान ब्युरोका अनुसार यसरी महिलालाई बिक्री गरेको आरोपमा प्रहरीले नुवाकोटको बालकुमारीका अनिशा भन्ने फूलमाया तामाङलाई पक्राउ गरेको छ । उनले पोखरामा घरायसी काममा राम्रो कमाइ हुन्छ भनी प्रलोभनमा पारी भारत पुर्याएर बेचेको ब्युरोका प्रहरी उपरीक्षक राजेन्द्रप्रसाद धमलाले जानकारी दिए । सुरुमा उनले चाउमिनमा बेहोस हुने औषधि मिसाएर बेहोस पारी लगेका र होस खुल्न लाग्दा पुनः कोकमा औषधि मिसाएर बेहोस बनाउँदै भारत पुर्याएको पीडितको बयान छ । उनले पीडितका दिदीबहिनीलाई नै यसरी  पुर्याएको पनि खुल्न आएको छ । उनीहरूलाई छुट्टाछुट्टै कोठीमा पुर्याएर बिक्री गरेको ब

तनहुँमा नवजात शिशुसहित दुई मृत फेला

दमौली /  तनहुँमा छुट्टाछुट्टै स्थानमा मङ्गलबार नवजात शिशुसहित दुई जना मृत फेला परेका छन् । व्यास नगरपालिका –९ कवादीखोला नजिकै शिशु मृत फेला परेको प्रहरी निरीक्षक शिवराज क्षेत्रीले जानकारी दिए । स्थानीयवासीको रोहवरमा मुचुल्का गरी शिशुको शव दमौली ल्याइएको उनले बताए । शिशु कसले फालेको भन्नेबारे प्रहरीले अनुसन्धान गरिरहेको छ । यसैगरी आँबुखैरेनी गाउँपालिका –३ शिवालय मन्दिर नजिक एक पुरुषको शव फेला परेको छ । मन्दिर नजिकैको धर्मशालाको पेटीमा उनको शव फेला परेको प्रहरीले जनाएको छ । उनको परिचय खुल्न सकेको छैन । 

मोटरसाइकल दुर्घटनामा एकको मृत्यु, एक घाइते

झापा /  ललितपुरको कुपन्डोलमा गए राति मोटरसाइकल दुर्घटना हुँदा एक जनाको मृत्यु भएको  महानगरीय प्रहरी परिसरले जनाएको छ ।गए राति १ बजे कुपण्डोलबाट थापाथली तर्फ जाँदै गरेको मोटरसाइकल दुर्घटनामा परेको हो । महानगरीय प्रहरी परिसर ललितपुरका प्रहरी उपरीक्षक प्रज्वल महर्जनले बताए ।बा ९५ प ५३५४ नम्बरको मोटरसाइकल कुपण्डोल हनुमानथान नजिकै दुर्घटना हुँदा चालक गोदावरी नगरपालिका छम्पी घर भएका राजु तामाङ ३१ को मृत्यु भएको  महानगरीय प्रहरी परिसर ललितपुरका प्रहरी उपरीक्षक प्रज्वल महर्जनले बताए । ।मोटरसाइकलमा सवार गोदावरीको गुरूङचुली टीका भैरवका ३६ वर्षीय दिपेश तामाङ घाइते छन् ।हनुमानथान नजिकै

राजमार्गमा लुटपाट गर्ने सात पक्राउ

राँझा / पूर्व–पश्चिम राजमार्गमा सवारीसाधनलाई रोकेर जबर्जस्ती लुटपाट गर्न खोज्ने समूहलाई प्रहरीले पक्राउ गरेको छ । पक्राउ पर्नेमा दुर्गा टमटा, सन्तोष पहाडी लगायत सात जना रहेका छन् । उनीहरूले अगैयाभन्दा पूर्वतर्फ सिक्टा, गाभर जङ्गलमा गाडी रोकेर जबर्जस्ती पैसा मागेको र नदिए ज्यान मार्ने धम्की दिएपछि कार र ट्रकका चालकले अगैया प्रहरी चौकीमा खबर गरेका थिए । सो घटनाको बारेमा जानकारी पाएलगत्तै अगैया प्रहरी चौकीबाट खटिएको टोलीले उनीहरूलाई पक्राउ गरेको अगैयाका प्रहरी सहायक निरीक्षक खगेन्द्र केसीले जानकारी दिए । लुटपाटमा संलग्न उनीहरु बा१४च ३३०३ नंको कारमा सवार रहेको प्रहरीले जना

आज देखि वर्षा र हिमपात हुने

काठमाडौँ /  मंगलबार रातिदेखि पश्चिम नेपालबाट प्रवेश गरेको न्यूनचापीय प्रणालीको प्रभावले आज (बुधबार) देखि देशका विभिन्न स्थानमा मौसम बदली हुने भएको छ । मौसमी प्रभावका कारण सुदूरपश्चिम, कर्णाली, लुम्बिनी र गण्डकी प्रदेशका उच्च पहाडी तथा हिमाली भूभागका धेरै स्थानमा हिमपात हुने जल तथा मौसम पूर्वानुमान महाशाखाले जनाएको छ । मौसम प्रणालीका कारण हवाई क्षेत्र, पर्वतारोहण, कृषि, यातायातलगायत दैनिक जनजीवनमा असर पर्ने भएकाले सतर्कता अपनाउन पूर्वानुमान महाशाखाले सर्वसाधारणलाई अनुरोध गरेको छ । गणितीय मौसम पूर्वानुमानको परीक्षण मोडलअनुसार आजदेखि बिहीबारसम्म सबैभन्दा बढी असर सुदूरपश्चिम र

कांग्रेस नेतालाई धम्काएको आरोपमा एसपी पाण्डे निलम्बित

काठमाडौँ / नेपाली कांग्रेस सिरहाका जिल्ला सभापति रामचन्द्र यादवलाई धम्क्याएको आरोपमा प्रहरी उपरीक्षक (एसपी) हिराबहादुर पाण्डे निलम्बनमा परेका छन् ।सरुवाको विषयलाई लिएर यादवलाई धम्क्याएको आरोपमा पाण्डेलाई मंगलबार निलम्बन गरिएको नेपाल प्रहरीका प्रवक्ता एसएसपी बसन्त बहादुर कुँवरले जानकारी दिए । स्रोतका अनुसार सभापति यादवले एक मुद्दाका दुई जना अभियुक्तलाई छाड्न प्रहरीलाई दबाब दिएका थिए । तर, पाण्डेले सहयोग नगरेपछि उनलाई एक वर्ष नपुग्दै सरुवा गरेको स्रोतले जनाएको छ । २०७८ असार ८ गते पाण्डेको जिल्ला प्रहरी कार्यालय सिरहामा सरुवा भएको थियो । प्रहरी प्रधान कार्यालयले ६ महिनामै एसपी पाण्डेलाई

बसको ठक्करबाट स्कुटर चालकको मृत्यु

काठमाडौं /  काठमाडौंमा बसको ठक्करबाट स्कुटर चालकको मृत्यु भएको  प्रहरी प्रधान कार्यलयले जनाएको छ । मृत्यु हुनेमा दोलखाकी २५ वर्षीया कृतिका कार्की रहेकी  छिन ।काठमाडौं महानगरपालिका –९ तिलगंगा पिङ्गला स्थानमा बा ५ ख १५३८ नं को बसले बागमती प्रदेश –०२–०२१ प १९३५ नं को स्कुटरलाई सोमबार साँझ ठक्कर दिँदा गम्भीर घाइते भएकी कृतिकाको उपचारको क्रममा आज बिहान काठमाडौं मेडिकल कलेज सिनामङ्गलमा मृत्यु भएको प्रहरी  कार्यलयले जनाएको हो । दुर्घटना गराउने बसका चालक फरार रहेकाले उनको खोजी भइरहेको प्रहरीले भनाई छ ।