बिराटचौक । मोरङको बेलबारी ३ का ब्यबसायी राजन दर्नाल (गोर्खाली) ले आफनो ५० औँ जन्मदिनका अबसरमा बिद्यार्थीहरुलाई लत्ताकपडा सहित शैक्षिक सामाग्री बितरण गरेका छन ।
बेलबारी ३ मा लामो समयदेखि गोर्खाली सटिङ,सुटिङ एण्ड टेलरिङ सेवा प्रदान गर्दै आएका राजनले जन्मदिनका अबसरमा हुने फजुल खर्च कटाएर थोरै भएपनि आर्थिक अबस्था कमजोर भएका बिद्यार्थीहरुलाई लत्ताकपडा र शैक्षिक सामाग्री बितरण गर्न पाउँदा खुसी लागेको बताए ।
उनले मंगलबार बेलबारी ३ स्थित श्री आधारभुत बिद्यालयका बिद्यार्थीहरुलाई लत्ताकपडा र शैक्षिक सामाग्री बितरण गरेका हुन । गोर्खालीको यस किसिमको सामाजिक कार्य समाजका लागि समेत अनुकरणीय रहेको बिद्यालयका प्रधानध्यापक लिलाप्रसाद आचार्यले बताए ।
