कालीकोट - कालीकोटको पलाँता गाउँपालिका-३ को राहुनेटामा जीप दुर्घटना हुँदा १० जनाको मृत्यु भएको छ ।
आइतबार दिउँसो कप्र ००१ ज ५६ नम्बरको जीप दुर्घटना हुँदा ६ जनाको घटनास्थलमै मृत्यु भएको जिल्ला प्रहरी कार्यालय कालीकोटका प्रहरी निरीक्षक गोविन्दप्रसाद चौधरीले जानकारी दिए ।
दुर्घटनामा थप १० जना घाइते भएका छन् । पलाताको थिर्पूबाट २० जना यात्रु बोकेर गएको जीप दिउँसो साढे दुई बजे दुर्घटना भएको थियो । जीप सडकबाट करिब ५०० मिटर तल खसेको छ ।
घाइतेहरु लाई उपचारका लागि कर्णाली प्रदेश अस्पताल सुर्खेत ल्याउने तयारी भएको छ । उनीहरुलाई लिन नेपाली सेनाको हेलिकप्टर गएको जनाइएको छ ।
