उर्लाबारी । मोरङको रतुवामाई नगरपालिका–१० स्थित आमबारी–उर्लाबारी सडक खण्डमा बस र मोटरसाइकल एकआपसमा ठोक्किँदा मोटरसाइकल चालकको मृत्यु भएको छ। ना.४ ख ४०१३ नम्बरको बस उर्लाबारीतर्फ आउँदै गर्दा प्र.१-०१०-१४ प २४४३ नम्बरको मोटरसाइकल विपरित दिशाबाट आइरहेकै बेला दुबै सवारी साधन ठोक्किएका थिए।
दुर्घटनामा झापा कमल गाउँपालिका–५ का २८ वर्षीय मोटरसाइकल चालक सन्देश गौतम गम्भीर घाइते भएका थिए। उनलाई उपचारका लागि तत्काल आर्या न्युरो अस्पतालमा लगिएको थियो। तर उपचारकै क्रममा गौतमको मृत्यु भएको अस्पताल स्रोतले जनाएको छ।
घटनामा संलग्न रहेका मोटरसाइकलमा सवार कनकाई–५ का २३ वर्षीय अजत मिया, इटहरी–२ का ४० वर्षीय राजन धमला र बस चालक मोरङ रतुवामाई नगरपालिका–६ का ३२ वर्षीय गोपाल बस्नेतलाई प्रहरीले नियन्त्रणमा लिएको छ। प्रहरी स्रोतका अनुसार उनीहरूलाई कानुनी प्रक्रिया पूरा गरि थप अनुसन्धान अघि बढाइएको छ।
प्रहरीले दुर्घटनाको कारणबारे अनुसन्धान गरिरहेको प्रहरीले जनाएको छ।
