सर्लाही — गोडैता नगरपालिका-१२ बाट सोमबार बिहान नलकटुवा पेस्तोल १ थान, सोही पेस्तोलमा प्रयोग हुने ६ राउण्ड गोली, एकहजार दरका २० थान नक्कली जस्तो देखिने नोट र सानो पेस्तोलमा प्रयोग हुने ४ राउण्ड गोली सहित दुई जनालाई प्रहरीले पक्राउ गरेको छ।
पक्राउ पर्नेहरूमा भारत बिहारको सितामढी मेजरगंज थाना अन्तर्गत बसविटा ग्रामपंचायतको रसुलपुर गाउँका २६ वर्षीय कुन्नु पटेल र ३० वर्षीय मुकेश पटेल रहेका छन्। जिल्ला प्रहरी कार्यालय सर्लाहीबाट खटिएको टोलीले भारतबाट नेपालको मधुवनीगाउँतर्फ आउँदै गरेका उनीहरूलाई उक्त हतियार र नक्कली नोट सहित पक्राउ गरेको हो।
प्रहरीले यस घटनामा थप अनुसन्धान गरिरहेको छ।
