काठमाडौं–नुवाकोटस्थित लिखु गाउँपालिका–६ छहरेमा मिनीट्रकको ठक्करबाट मोटरसाइकलमा सवार एक जनाको मृत्यु भएको छ भने एक जना गम्भीर घाइते भएका छन्।
जिल्ला प्रहरी कार्यालयका प्रमुख शान्तिराज कोइरालाका अनुसार टोखा–छहरे सडकमा राति भएको दुर्घटनामा तादी गाउँपालिका–३ का ३५ वर्षीय विनोद चौलागाईँको ज्यान गएको हो।
दुर्घटनामा तादी–३ का राजाराम श्रेष्ठ गम्भीर घाइते भएका छन्, जसको हाल काठमाडौस्थित ग्रिनसिटी अस्पतालमा उपचार भइरहेको छ। दुर्घटनापछि मिनीट्रकका चालक फरार रहेको र खोजी कार्य जारी रहेको प्रहरीले जनाएको छ।
