काठमाडौं–दसैँको मुखमा वर्षाका कारण देशभरका मुख्य राजमार्ग र सडक भत्किँदा यात्रुहरूको यात्रा कष्टकर भएको छ। ठाउँठाउँमा पहिरो र सडक अवरुद्ध हुँदा गन्तव्यमा पुग्न संघर्षरत यात्रुहरू अलपत्र परेका छन्।
देशभरका मुख्य राजमार्ग, विशेषगरी नागढुंगाबाट गाडीहरू सुस्त गतिमा चलिरहेका छन्। पूर्व–पश्चिम र अन्य प्रमुख राजमार्गहरू पहिरोका कारण अवरुद्ध छन्। नेपाल प्रहरीले २० भन्दा बढी स्थानमा सडक अवरुद्ध भएको जनाएको छ, जसले यातायात ठप्प बनाएको छ।
यसैबीच, ८८नेपाल यातायात व्यवसायी राष्ट्रिय महासङ्घले विषम परिस्थितिका कारण दसैँको अग्रिम टिकट बुकिङ बन्द गर्ने तयारी गरिरहेको८८ छ। वरिष्ठ उपाध्यक्ष सरोज सिटौलाका अनुसार पहिरो र भत्किएका सडकले यातायात सञ्चालन गर्न नसक्ने अवस्थाका कारण यात्रुहरूलाई गन्तव्यमा लैजान असम्भव भएको छ।
सिटौलाका अनुसार यात्रुलाई गन्तव्यमा पुर्याउन नसकिने अवस्थामा बुकिङ बन्द गर्न बाध्य भएका छौँ। टिकट बुकिङ गरेका यात्रुका लागि, गाडी समयमा नआए पैसा फिर्ता गरिनेछ ।
यातायात विज्ञहरूले जोखिमपूर्ण अवस्थामा यात्रा नगर्न र दसैँ पछि घर जाने सुझाव दिएका छन्।
