काठमाडौं–अवैध रूपमा भन्सार छली लुकाइ ल्याएको सुन जस्तो देखिने धातु सहित त्रिभुवन अन्तर्राष्ट्रिय विमानस्थलको आगमन पार्किङ क्षेत्रबाट सोमबार दुई जनालाई प्रहरीले पक्राउ गरेको हो ।
पक्राउ पर्नेहरूमा प्युठान सरूमारानी गाउँपालिका–१ का ३१ वर्षीय समिर अहमद र खोटाङ दिपरूङ गाउँपालिका–५ का ३० वर्षीय देवराज खत्री रहेका छन् ।
समिर अहमदलाई हिमालय एयरलाइन्सको उडानमार्फत दोहाबाट काठमाडौं आउँदा करिब ५४ ग्राम तौलको सुनजस्तो देखिने ढिक्का, बेरूवा औंठी, र मोबाइलसहित पक्राउ गरिएको हो । देवराज खत्रीलाई २५ ग्राम सुन जस्तो देखिने धातुको सिक्री, मोबाइल र ल्यापटप सहित भन्सार छली गर्न खोज्दा पक्राउ परेका हुन् ।
उनीहरूलाई थप अनुसन्धान र कारबाहीका लागि त्रिभुवन अन्तर्राष्ट्रिय विमानस्थल भन्सार कार्यालय, सिनामंगल बुझाइएको छ ।
