झापा / सप्तरीमा माइक्रो बस दुर्घटना हुँदा एक जनाको मृत्यु भएको छ । मृत्यु हुनेमा रुपनी गाउँपालिका- १ रायपुर बस्ने ६५ वर्षीया तारावती देवी यादव रहेका जिल्ला प्रहरी कार्यालय सप्तरीका प्रवक्ता डीएसपी माधवप्रसाद काफ्लेले जानकारी दिए । दुर्घटनामा परि अन्य १० जना घाइते भएका छन् । माइक्रो बस राजविराज - रुपनी सडक खण्ड अन्तर्गत रुपनी गाउँपलिका- ५ स्थित बसबिट्टी भन्ने ठाउँमा मंगलबार बिहान भएको दुर्घटना भएको थियो । सिरहाको लहानबाट राजविराजतर्फ आउँदै गरेको प्रदेश ०३ - ००१ ज ०२७७ नम्बरको माइक्रो बस दुर्घटना भएको हो ।
दुर्घटनामा गम्भीर घाइते भएकी तारावतीलाई उपचारका लागि राजविराजस्थित गजेन्द्र नारायण सिंह अस्पतालमा लगिएको तर केहीबेरमै चिकित्सकले मृत घोषणा गरेको प्रहरीले जनाएको छ ।घाइतेहरूको गजेन्द्रनारायण सिंह अस्पतालमा उपचार भइरहेको प्रहरीले जनाएको छ ।
