बिर्तामोड / झापाको मेचीनगर नगरपालिका - ६ बाट २ जना र सुनसरीको बराहक्षेत्र नगरपालिका- ५ बाट १ जना लागूऔषध सहित पक्राउ परेका छन । पक्राउ पर्नेमा मेचीनगर- ७ का २५ वर्षीय अर्जुन बाँतर , मेचीनगर- ६ का २५ वर्षीय दावा तामाङ , र बराहक्षेत्र- ५ सिमरबनका ५९ वर्षीय रत्न माझी रहेका छन् ।
मंगलबार दिउँसो इलाका प्रहरी कार्यालय काँकरभिट्टा र लागूऔषध नियन्त्रण ब्युरो काँकरभिट्टाबाट खटिएको प्रहरी टोलीले चेकजाँचको क्रममा भारतबाट नेपाल आउँदै गरेका बाँतर र तामाङलाई १ ग्राम ब्राउन सुगर सहित पक्राउ गरेको हो ।यस्तै सुनसरीको अस्थायी प्रहरी चौकी नडाहाबाट खटिएको प्रहरी टोलीले माझीलाई १६३ ग्राम गाँजा सहित पक्राउ गरेको हो । पक्राउ परेका उनीहरू माथि थप अनुसन्धान भइरहेको प्रहरीले जनाएको छ ।
