नवलपरासी / नवलपरासीको बर्दघाट सुस्ता पूर्वको कावासोतीमा गैँडाको आक्रमणबाट कावासोती १५ शेरगञ्जका ६५ वर्षीय रेशमलाल महतको मृत्यु भएको छ ।
आफ्नै घर नजिकको चउरमा बसिरहेका अवस्थामा उनलाई मध्यवर्ती क्षेत्रबाट आएको गैँडाले एक्कासि आक्रमण गरेको थियो ।
मध्यबिन्दु जिल्ला अस्पताल डण्डामा उपचारका क्रममा बुधबार राति महतको मृत्यु भएको चितवन राष्ट्रिय निकुञ्जका सूचना अधिकारी एवं सहायक संरक्षण अधिकृत गणेशप्रसाद तिवारीले जानकारी दिए ।
जिल्लामा निकुञ्ज र मध्यवर्ती क्षेत्रबाट निस्कने गैँडाको आक्रमणबाट बर्सेनि स्थानीयबासीले ज्यान गुमाउने गरेका छन् ।
पछिल्लो राष्ट्रिय गैंडा गणना २०७७ अनुसार नेपालमा ७५२ गैंडा छन् भने चितवन राष्ट्रिय निकुञ्जमा मात्रै ६९४ गैंडा भेटिएका छन् ।
