बिर्तामोड / झापाको बुद्धशान्ति गाउँपालिका –३ बेलचोकबाट ब्राउन सुगरसहित प्रहरीले तीन जनालाई पक्राउ गरेको छ ।
पक्राउ पर्नेमा सङ्खुवासभाको चैनपुर घर भइ हाल बुद्धशान्ति –३ मा बस्ने ३० वर्षीय दीपक तामाङ, सोही ठाउँका २८ वर्षीय रोशन तामाङ र पाँचथरको फिदिम नगरपालिका –४ की १९ वर्षीय संगीता तामाङ रहेकी छन् ।
उनीहरूलाई हिजो (बुधबार) साँझ साढे ६ बजे विशेष सूचनाको आधारमा इलाका प्रहरी कार्यालय बुधबारेबाट खटिएको टोलीले पक्राउ गरेको हो ।
पक्राउ परेका उनीहरूको साथबाट प्रहरीले ४.३ ग्राम ब्राउनसुगर बरामद गरेको छ ।
